Banner

باران

14.11.2012 06:46

 

اې وچو بوټو او تږو ونو!

زه پوهیږم چې ستاسو د ریښو په بیخونو کې د ځمکې نم وچ شوی او تاسو تر داسې یوه پټ توپان لاندې شپې او ورځې تیروی چې د نابودۍ په سپیره کنډو کې یې درولې یاست او هره لحظه مو د ناتار د دوړو ډک شمال او سختې بړبوکۍ په ډیره آسانۍ سره یوې او بلې خواته څملوي.

اې سپیرو کاریزونو او وچو چینو!

زه پوهیږم چې تاسو مخکې داسې ښیرازه، خوشحاله او له صافو اوبو څخه مالامال وی چې هر ژوندي موجود به مو په یخو او خوږو اوبو تنده ماتوله او د هر پټي شنو ډکو به ستاسو د ډکو ویالو جریان ته له خندا وړینګې خولې نیولې وې. پیغلو به درڅخه منګي ډکول او ستاسو د ګودرونو ښکلا به د هر شاعر او مین په خواږه کلام کې ګرده تاویده او ستاسو د ښایستونو په صفت به نه مړیدل.

خو اوس مو داسې وچې، سپیرې او تورې خولې نیولې دي چې د سړو اوبو، رڼو آبشارونو، شنو چمنونو او د منګیو شرنګهار یواځې په خوب کې لیدلی شی او داسې معلومیږي لکه یو لوی تندر چې مو چې د ښکلاوو په شیرازه را ټیټ شوی وي.

هو!

زه پوه شوم چې دا هر څه د دې لپاره درباندې کیږي چې د باران د اوریدو درک نشته، باران له موږ څخه مرور شوی او باران زموږ خوا هیره کړې ده.

نو اې بارانه!

راشه، راشه او زموږ تږو هیلو ته له ځان سره ښیرازي راوړه، موږ ټول ستا په آرمان یو.

اې وچو بوټو او تږو ونو!

زه پوهیږم چې ستاسو د ریښو په بیخونو کې د ځمکې نم وچ شوی او تاسو تر داسې یوه پټ توپان لاندې شپې او ورځې تیروی چې د نابودۍ په سپیره کنډو کې یې درولې یاست او هره لحظه مو د ناتار د دوړو ډک شمال او سختې بړبوکۍ په ډیره آسانۍ سره یوې او بلې خواته څملوي.

اې سپیرو کاریزونو او وچو چینو!

زه پوهیږم چې تاسو مخکې داسې ښیرازه، خوشحاله او له صافو اوبو څخه مالامال وی چې هر ژوندي موجود به مو په یخو او خوږو اوبو تنده ماتوله او د هر پټي شنو ډکو به ستاسو د ډکو ویالو جریان ته له خندا وړینګې خولې نیولې وې. پیغلو به درڅخه منګي ډکول او ستاسو د ګودرونو ښکلا به د هر شاعر او مین په خواږه کلام کې ګرده تاویده او ستاسو د ښایستونو په صفت به نه مړیدل.

خو اوس مو داسې وچې، سپیرې او تورې خولې نیولې دي چې د سړو اوبو، رڼو آبشارونو، شنو چمنونو او د منګیو شرنګهار یواځې په خوب کې لیدلی شی او داسې معلومیږي لکه یو لوی تندر چې مو چې د ښکلاوو په شیرازه را ټیټ شوی وي.

هو!

زه پوه شوم چې دا هر څه د دې لپاره درباندې کیږي چې د باران د اوریدو درک نشته، باران له موږ څخه مرور شوی او باران زموږ خوا هیره کړې ده.

نو اې بارانه!

راشه، راشه او زموږ تږو هیلو ته له ځان سره ښیرازي راوړه، موږ ټول ستا په آرمان یو.